I. Vata/ Drejtuesja politike e Partisë Socialiste për qarkun e Tiranës, Elisa Spiropali përmes një videoje ka recituar vargjet e Nolit duke i dërguar një “selam” Berishës, Metës, Bashës dhe Kryemadhit.

Arsyeja e kësaj videoje është gafa e radhës që Monika Kryemadhi, drejtuese e LSI, bëri sot teksa u shpreh se poezinë “Anës lumenjve” të Fan Nolit, e ka shkruar Migjeni.

Spiropali teksa ironizon Kryemadhin ndërsa reciton poezinë, e mbyll atë duke thumbuar Metën dhe Berishën.

“Dhe një zë kumbon nga lumi, na buçet na zgjon nga gjumi, se mileti po gatitet, se Luli lebetitet, se pëlcet, kërcet furtuna, fryhet Vjosa, derdhet Buna, skuqet Semani dhe Drini, dridhet Sala dhe Liri. Se pas vdekjes ndriti jeta dhe kudo gjëmon trumpeta, ngrehuni dhe bjeruni, korrini dhe shtypini, katundarë dhe punëtorë, që nga Shkodra gjer në Vlorë. Selam nga Fan Noli”, shprehet në video Spiropali.ATSH