Categories Lajme

Spitalet e tejmbushura, mjekët: Një grip më i rëndë se Covid-i. Mos përdorni antibiotikë, ja si të kujdeseni!

Për një pjesë të konsiderueshme të popullatës, viti i ri ka nisur me një situatë të rënduar shëndetësore që pakkush mundet ta shpjegojë, nëse bëhet fjalë për virozat e stinës, grip i rënduar apo Covid-19 po rikthehet në formën e tij agresive.

Janë mjekët ata që pasi kanë ndjekur epidemiologjinë e rasteve që kanë tejmbushur qendrat shëndetësore e spitalet, përjashtojnë këtë të fundit. Sipas tyre, kemi të bëjmë me një grip agresiv. Madje, numrat e të shtruarve nga gripi aktualisht figurojnë më të larta se shtrimet si pasojë e Covid-19.

Për mjekët Eurgena Tomini dhe Ilir Alimehmeti nuk ka vend për alarm lidhur me situatën e Covid aktualisht në Kinë. Në një bisedë në studion e “News 24” ata deklaruan se në këto momente predominon gripi sesa Covidi. “Kjo situatë ishte e pritshme për shkak të masave që Kina zbatoi. Që në krye të herës përdori metodologjinë e izolimit masiv të popullatës. Ndërkohë që në pikun e dimrit kur kemi fluks dhe infeksioneve të tjera inflamatore, Kina hapi kufijtë.

Duhet të theksohet se nuk ka vend për panik, për fatin e kalimit të sëmundjes në Europë dhe rajon, por dhe imunizimin e situatës. Aktualisht, qoftë në Europë apo Shqipëri, kemi incidencë të ulët të Covid-19.

Kemi bashkëqarkullim të BA4, BA5, kundrejt infeksioneve respiratore, gjë që nuk u vërejt në dy vitet e pandemisë”, thotë Tomini teksa shton se gjithsesi nuk duhet ulur vigjilenca ndaj Covid-19.

Po ashtu, Alimehmeti përjashton kategorikisht situatën e rënduar të ketë lidhje me atë në Kinë apo gjetkë. Sidoqoftë, antibiotiku nuk është zgjidhja në këtë rast, sipas tij. “Nuk ka një valë goditëse, edhe sepse nënvarianti Omicron, ka një vit e dy muaj që nuk del një variant tjetër. Nuk riskohemi ne nga situata në Kinë.

Sa i takon situatës me gripin, është një situatë e ngritur. Ishte krejtësisht e parashikueshme që do vinte një grip i tillë. Te ne vaksina e gripit vjen relativisht vonë dhe sasitë nuk janë shumë të mëdha, ky është problem. Ndërkohë nuk duhet në mënyrë absolute të përdoret antibiotik”.

Sipas mjekëve, aktualisht mbizotëron qarkullimi i gripit të llojit AH1 dhe AH3. Dhe ajo që ka rëndësi është se rastet me grip predominojnë kundrejt atyre me covid-19. Simptomat e gripit janë rrufë, kollë, temperaturë për disa ditë dhe kërkojnë asistencë të mjekut sepse qytetarët nuk mund të vetëshërohen. Sipas bluzave të bardha duhen evituar antibiotikët dhe duhen përdorur antipiretikët, lëngje, pushim dhe ushqim i shëndetshëm.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Emërimi i kryetarit të përkohshëm deri në zgjedhjet e reja, mblidhet këshilli bashkiak i Himarës! Banorët përplasen me policinë

Sot në orën 10:30 nisi mbledhja e radhës në këshillin e Bashkisë së Himarës ku…

LEXO ME SHUME
Categories Lajme

Dita e sotme me kthjellime dhe vranësira. Temperatruat do te jenë me rritje

Anticikloni subtropikal po ndikon Europën Juglindore, ku presim stabilitet të kushteve atmosferike në territorin e…

LEXO ME SHUME
Categories Lajme

Ngacmimi nga interneti, Tirana në vend të parë për numrin e denoncimeve. Kuçova renditet e dyta

Bullizimi dhe dhuna përmes rrjeteve sociale po përhapet edhe në qytete të vogla. Kuçova, është…

LEXO ME SHUME
Categories Lajme

Horoskopi, 29 Mars 2024

Dashi Kjo ditë do ju gjejë më produktiv dhe krijues, qoftë në sferën profesionale edhe…

LEXO ME SHUME
Categories Lajme

SPAK lëshon 9 urdhër-arreste për ish-zyrtarë së Bashkisë Tiranë e biznesmenë (Emrat)

Disa ish-zyrtarë të Bashkisë së Tiranës kanë përfunduar në prangat e policisë me urdhër të…

LEXO ME SHUME