Lajme

Strehoi emigrantë të paligjshëm, arrestohet 42-vjeçari në Vlorë

Një 42-vjeçar është arrestuar nga policia. Ai ka rënë në pranga pasi tentoi të strehonte pesë emigrantë të paligjshme në banesën e tij. Uniformat blu bëjnë me dije se ngjarja ka ndodhur në lagjen “Osman Haxhiu”, në Vlorë.

Njoftimi i plotë:

Goditet një tjetër rast i veprimtarisë kriminale në fushën e dhënies ndihmë shtetasve të huaj, për kalim të paligjshëm të kufirit, kundrejt fitimit.

Finalizohet me sukses operacioni policor i koduar “Hosting”.

Vihet në pranga 42-vjeçari që tentoi të strehonte 5 emigrantë të paligjshëm, në banesën e tij.

Specialistët e Seksionit për Hetimin e Narkotikëve dhe Trafiqeve të Paligjshme, në vijim të punës për goditjen e aktivitetit kriminal të dhënies ndihmë shtetasve të huaj, për kalim të paligjshëm të kufirit, kundrejt fitimit. Në bazë të informacioneve policore, kanë organizuar dhe finalizuar me sukses operacionin policor “Hosting”. Si rezultat i tij u arrestua në flagrancë shtetasi E. S., 42 vjeç, banues në Vlorë.

Arrestimi i këtij shtetasi u bë pasi u kap në flagrancë nga shërbimet e Policisë, në lagjen “Osman Haxhiu”. Ai ishte duke shoqëruar për në banesën e tij, 5 emigrantë, me qëllim dhënien ndihmë për kalimin e  paligjshëm të kufirit, kundrejt fitimit.

Materialet i kaluan Prokurorisë pranë Gjykatës së Shkallës së Parë Vlorë, për veprën penale “Ndihma për kalim të paligjshëm të kufijve”.

Artikuj të ngjashëm

Leave a Reply

Your email address will not be published.

Back to top button
Close