Një incident është regjistruar në Ambasadën e Shqipërisë në Beograd. Bëhet me dije se selia diplomatike shqiptare është sulmuar, nga persona të paidentifikuar, të cilët kanë hedhur një shashkë në drejtim të institucionit.

Nga burimet bëhet me dije se dhe ambasdori Ilir Boçka ka qenë në godinë në momentin kur ka ndodhur incidenti, dhe nuk raportohet për të lënduar dhe as dëme materiale.

Newsbomb.al mëson se incidenti ka ndodhur dje, por nuk është e qartë nëse kemi të bëjmë me një sulm ndaj Ambasadës së Shqipërisë apo një ngjarje sporadike. Nga burimet tona kemi mësuar se ka qenë një adoleshent që ka hedhur shashkën në oborrin përballë Ambasadës dhe është larguar me vrap.

Kamerat e sigurisë së selisë diplomatike në Beograd kanë fiksuar të gjithë skenën dhe tashmë autoritetet serbe po merren me hetimet, për të indetifikuar të riun dhe për të parë nëse kemi të bëjmë me një sulm ndaj ambasadës tonë atje, apo ngjarja nuk ka lidhje.