Ish-futbollisti i Kombëtares Ermal Tahiri, i ftuar në emisionin “Skaner” nga Gerti Çarçani në MCN Tv thotë se Vllaznisë i ka humbur qetësia. Sipas tij kjo vihet re si në fazën sulmuese ku shpërdorohet shumë ashtu edhe në mbrojtje ku gabimet nuk kanë qenë të pakta.
“Vllaznia me Kukësin mori pikët që duhet të merrte. Edhe pse më herët e ka mposhtur Kukësi, Vllaznia ka treguar se ka qenë aty. Problemi aty është se Vllaznia nuk po del aty ku duhet. I mungon qetësia, sepse nuk po shënojnë dot. Madje vihen re edhe gabime në mbrojtje,”-u shpreh Tahiri.