Drejtuesi i qarkut të Vlorës për LSI-në, Luan Rama, i kontaktuar nga Euronews Albania tha se nuk ka munguar dhe është prezent në fushatë. Ai sqaroi se kishte planifikuar takime të tjera në fshatrat e Vlorës të cilat nuk mund t’i linte.
Ndërkohë nënkryetari i Lëvizjes Socialiste për Integrim, Petrit Vasili, reagoi për këtë mungesë të Ramës në fushatën elektorale të Vlorës.
Ai u tregua evaziv në përgjigje përsa i përket mungesës së drejtuesit politik të qarkut, Luan Rama në takimet e organizuar nga Vasili por edhe mungesës se daljeve publike te Ramës ditët e fundit. Madje në asnjë nga përgjigjet Vasili nuk e ka përmendur emrin e tij.
“Kemi bërë gabime por do t’i korrigjojmë, sipas agjendes të gjithë kandidatët do te jene ne terren. Daljet e mia publike janë si nënkryetar i LSI-së dhe si ish-kryetar i saj dhe në gjithë territorin kam pasur dhe kam detyrimin të mbuloj në mënyrë të vecantë Vlorën për raportet e tjera që kam edhe në planin personal e familjar dhe të gjitha këto raporte do t’i amplifikoj vetëm në një drejtim, në sigurimin e tre mandateve të padiskutuara të LSI-së në Vlorë që këte herë e ka më të lehtë se përballë ka listën e Astirit dhe të Dibres,” – u shpreh Vasili.