Kryeministri Edi Rama deklaroi DJE se do të rishikohet taksa progresive mbi pagat.
“Sa i përket taksës progresive, jemi duke bërë një plan dhe sapo ta kemi gati do ta ndajmë me ju, edhe aty me synimin që të lehtësojmë barrë të atyre që jetojnë me punë. Flas për ata që jetojnë me një pagë dhe njëkohësisht të rrisin fuqinë blerëse të gjithsecilit, aq sa të jetë e mundur kudo që të jetë e mundur”, tha Kryeministri gjatë konferencës për shtyp mbi Rindërtimin dhe ndikimin në ekonomi.
Përndryshe, vuri në dukje ai, me platforma të krijuara dhe të trumbetuara në kushtet kur nuk ke asnjë përgjegjësi, kur nuk mban asnjë përgjegjësi dhe kur e di që shanset që të ta japin atë përgjegjësi janë minimale dhe lëshohet si Sudja dhe Vehbiu për të kapur ça të kapësh, Shqipëria nuk bën përpara por vetëm prapa.
“Prandaj, shqiptarët e kanë shumë të qartë se shalqinjtë me provë që kanë rezultuar kunguj nuk ka shans t’i blejnë për shalqi të ngrënshëm”, theksoi ai.