Lajme

‘Talo Çela eleminoi nënën e Elvis Dedës në 2012-ën’/ Zbardhet dëshmia e Nuredin Dumani

Bazuar në dëshminë e Nuredin Dumanit, i shumëkërkuari Talo Çela ka eleminuar Fatmira Dedën, një vit pasi viktima e ndjerë kërkonte drejtësi për djalin e saj Elvis Deda, të cilin ia vranë në vitin 2012. Fatmira kërkonte që drejtësia të vihej në vend, por pasi nisi betejën e saj u gjet e vdekur më 14 shtator 2013.

Plagosja e Dumanit dhe dëshmitë e tij çuan në firmosjen e 32 urdhër arresteve. Dhe jo pa qëllim, policia e kodoi operacionin e sotëm “plumbi i artë”  SPAK ka vendosur të veprojë vetëm ditën e djeshme, ku ka qenë gjykatësja Atalanta Zeqiraj që ka firmosur kërkesat e SPAK. Nuredin Dumani ka dhënë informacione të rëndësishme për prokurorinë për shumë ngjarje që ka pasur informacione apo dhe ka qenë i përfshirë.

Janë goditur 8 grupe kriminale që akuzohen për vrasje, rrëmbim personi  dhe gjobvënie.  Operacioni për kapjen e personave u shtri në katër qytete, Tiranë, Elbasan, Durrës dhe Lezhë.

Forcat speciale kanë bërë të mundur të kapin vetëm 13 persona,  disa prej të cilëve të arrestuar më herët për ngjarje të tjera kriminale. Asnjë nga të dyshuarit si drejtues  të grupeve kriminale nuk është vënë në prangat e policisë.

Mos kapja e tyre lë të kuptohet se operacioni i policisë mund të jetë dekonspiruar. I shpallur në kërkim është edhe avokati Alkond Bengasi  cili njihet si avokati i bandave kriminale.

Artikuj të ngjashëm

Leave a Reply

Your email address will not be published. Required fields are marked *

Back to top button
Close