Lajme

Të prekurit nga tërmeti po kthehen në shtëpitë e tyre, Dritan Leli: Do bëjmë më të mirën për të prekurit

Me qindra qytetarë të zonave të prekura nga tërmeti i 26 nëntorit të strehuar në Vlorë po rikthehen në vendbanimet e tyre, duke iu kthyer kështu normalitetit të përditshëm. Më shumë se gjysma e tyre janë larguar nga qyteti bregdetar, ku aktualisht nga 1500 banorë që gjendeshin në Vlorë që nga e marta, kanë mbetur vetëm 550, të cilët vijojnë të jenë ende të akomoduar në hotele të ndryshme.

Kryetari i bashkisë së Vlorës, Dritan Leli, i cili ka ndjekur hap pas hapi situatën, është shprehur se dyert e vlonjatëve do të jenë gjithmonë të hapura për këdo, në çdo situatë. Leli tha se Vlora pas tërmetit ishte një shtëpi e hapur për të gjithë shqiptarët për të gjithë ata që patën probleme me dëmtimet e tërmeti dhe mikpritja ka qenë fantastike.

“Ne jemi duke bërë organizimin. Me njësitë hotelere kemi patur një takim orët e para të mëngjesit, ashtu sic edhe kanë qenë takimet disa herë në ditë dhe jemi në kontakt online 24 orë në ditë për çdo problematike që ato kanë dhe që banorët e Durrësit shfaqin. Sot pasdite kemi një takim tjetër për të parë numrin e banorëve nga Durrësi dhe Tiranë që janë akomoduar në njësit hoteliere dhe në bashkëpunim me qeverinë shqiptare dhe me gjithë shtabin e menaxhimit të kësaj krize të madhe që ka prekur shumë zemra shqiptarësh, të gjejmë hapësirën e duhur e të bëjmë më të mirën për akomodimin e këtyre njerëzve jo vetëm në Vlorë por ku të mundemi në të gjithë Shqipërinë”, theksoi ai. Tërmeti i së martës la pas 51 viktima me qindra të plagosur dhe dëme mjaft të mëdha materiale duke bërë që shumë qytetarë të prekura nga tërmeti 6.3 i shkallës Rihter të largohen drejtë qyteteve të ndryshme të Shqipërisë siç është edhe Vlora.

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button