A mund të ndalohet korrupsioni? Si mund ta ndalojnë të rinjtë këtë fenomen gërryes për ekonominë dhe jetën sociale?

Ndërveprimi me njeri – tjetrin gjatë studimeve të rasteve të korrupsionit, nxitja e debatit dhe prekja nga afër e problemeve që sjell korrupsioni për vetë ata si individë dhe shoqërinë në tërësi, ishin disa nga veprimtaritë që realizuam me të rinjtë gjimnazistë të Vlorës, për t’i aftësuar ata të përballojnë me dëshirë dhe sukses presionet që I shtyjnë ata të përfshihen në praktika korruptive.

Reagimi i të rinjve dhe angazhimi i tyre në këto veprimtari tregon për ndjeshmërinë e rritur për kundërshtimin e këtij fenomeni që pengon zhvillimin e vendit. Aktiviteti u realizua ne kuadër të projektit “Të rinjtë – Celësi për të thyer ciklin e korrupsionit!”, i cili mbeshtetet nga Regional Anti-Corruption Initiative – RAI në bashkëpunim me UNODC – United Nations Office on Drugs and Crime dhe financuar nga Austrian Development Agency-njësia operative e Bashkëpunimit Austriak për Zhvillim.