Lajme

VIDEO\ Të shtëna me armë zjarri në Vlorë

Të shtëna me armë zjarri janë dëgjuar këtë mbrëmje në zonën e Fushës së Druve në Vlorë. Policia është vënë në kërkim të një personi, që dyshohet se ka qëlluar në ajër. Aktualisht nuk raportohet për shtetas që të jenë lënduar. Të shtënat janë raportuar nga banorët. Forcat policore janë në vendngjarje e janë duke verifikuar se çfarë ka ndodhur.

Nga informacionet e para bëhet e ditur se një person i identifikuar si Ervis Dollani ka qëlluar më armë në ajër.

Nuk raportohet për të lënduar, ndërsa policia ka ndaluar personin, i cili sipas burimeve ka qenë në gjendje të dehur.

Ndërsa policia ka shkuar në vendin e ngjarjes dhe po punon për zbardhjen e rrethanave. Mësohet se një përplasje mes disa personave i ka paraprirë nxjerrjes së armëve. Disa persona janë konfliktuar fillimisht me fjalë dhe më pas një prej tyre ka qëlluar me pistoletë në ajër.

Autori është identifikuar si shtetasi Ervis Dollani, me origjinë nga Berati dhe rritur në Vlorë. Mësohet se Ervis Dollani kishte dalë një muaj më parë nga burgu. Ndërkohë gjatë konfliktit të sotëm, sipas policisë ka qenë nën efektin e alkoolit dhe ka qëlluar mbi 5 herë në ajër.

Artikuj të ngjashëm

Leave a Reply

Your email address will not be published. Required fields are marked *

Back to top button
Close