Categories Lajme

Tentoi t’i grabiste çantën të moshuarës, në pranga i riu në Korçë

Policia e Korçës ka vendosur në pranga 2 persona si dhe ka proceduar penalisht 4 të tjerë, të akuzuar për vepra të ndryshme penale. Në njoftim thuhet, se është arrestuar shtetasi M. T., 29 vjeç i akuzuar për vjedhje. Ai ka tentuar t’i vjedhë një të moshuare 77-vjeçare çantën.

Po ashtu, është arrestuar po për vjedhje dhe një 27-vjeçar, që akuzohet se ka grabitur dy televizorë në banesën e shtetasit S. R., 53 vjeç. Sakaq, uniformat blu kanë proceduar penalisht 4 persona të tjerë.

Njoftimi i Policisë:

Qarku Korçë Vihen në pranga 2 shtetas dhe procedohen penalisht 4 të tjerë për vepra të ndryshme penale. Specialistët për Hetimin e Krimeve në Komisariatin e Policisë Korçë, bënë arrestimin në flagrancë për veprën penale “Vjedhja me dhunë”, mbetur në tentativë, të shtetasit M. T., 29 vjeç, banues në Korçë, pasi ditën e djeshme në lagjen nr. 9, Korçë, ky shtetas ka tentuar t’i vjedhë me dhunë çantën shtetases J. G., 77 vjeçe, banuese në Korçë.

Specialistët për Hetimin e Krimeve në Komisariatin e Policisë Maliq, bënë arrestimin në flagrancë për veprën penale “Vjedhja”, të shtetasit K. G., 27 vjeç, banues në Maliq, pasi ky shtetas, në bllokun nr. 4, Maliq, ka vjedhur dy televizorë në banesën e shtetasit S. R., 53 vjeç.

Specialistët për Hetimin e Krimeve në Komisariatin e Policisë Pogradec, filluan procedimin penal për veprën “Falsifikimi i dokumenteve”, ndaj shtetasve I. R., 35 vjeç, banues në Minsk, Bjellorusi dhe G. D., 34 vjeç, banues në Moskë, Rusi, pasi në Pikën e Kalimit Kufitar Tushemisht, në dalje të Republikës së Shqipërisë, këta shtetas kanë paraqitur certifikata të testit COVID-19, të dyshuara si të falsifikuara, të cilat nga verifikimet e kryera rezultoi se i kishin siguruar nëpërmjet internetit nga një laborator në Moskë, Rusi.

Specialistët për Hetimin e Krimeve në Komisariatet e Policisë Maliq dhe Devoll, filluan procedimin penal për veprën “Prerja e paligjshme e pyjeve” për shtetasit F. A., 31 vjeç, banues në Pogradec dhe T. D., 37 vjeç, banues në Bilisht, Devoll, pasi këta shtetas janë kapur nga shërbimet e policisë, respektivisht në afërsi të fshatit Novoselë, Maliq dhe kryqëzimit të fshatit Miras, Devoll, me dy mjete furgon tip “Benz”, duke transportuar sasi me lëndë drusore, pa leje. Materialet në ngarkim të tyre i kaluan Prokurorive të Rretheve Gjyqësore Korçë e Pogradec për veprime të mëtejshme.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

SPAK sekuestron pasuritë e dy ortakëve të Evis Berberit (Emrat)

SPAK ka sekuestruar pasuritë e dy ortakëve të Evis Berberit, biznesmenëve Valter Begaj  dhe Ervis…

LEXO ME SHUME
Categories Lajme

EMRI/ Vdes në punë shqiptari në Itali, baba i katër fëmijëve

Një shqiptar vdiq i shtypur nga një ngarkesë që peshonte mbi një ton ndërsa po…

LEXO ME SHUME
Categories Lajme

Beleri dhe Goro në burg, pas tensioneve në Këshillin bashkiak të Himarës, zgjidhet kryetari i komanduar

Blerina Balaj është zgjedhur kryetare e komanduar e Bashkisë Himarë pas mbledhjes me tensione në…

LEXO ME SHUME
Categories Lajme

Ngjarja në Memaliaj, policia: 41-vjeçari qëlloi në ajër për të kanosur dy persona

Një person ka qëlluar në ajër në Memaliaj ditën e djeshme dhe si pasojë e të…

LEXO ME SHUME
Categories Lajme

Emërimi i kryetarit të përkohshëm deri në zgjedhjet e reja, mblidhet këshilli bashkiak i Himarës! Banorët përplasen me policinë

Sot në orën 10:30 nisi mbledhja e radhës në këshillin e Bashkisë së Himarës ku…

LEXO ME SHUME