Lajme

Tërmeti e la të pastrehë, shqiptarja lind foshnjën nën çadër

Një vajzë ka ardhur në jetë vetëm pak ditë pas tërmetit shkatërrimtar që goditi Durrësin mëngjesin e 26 nëntorit. Familja Sula ka mbetur e pa strehë nga tërmeti. Ata jetojnë në çadër dhe fëmija e quajtur Ajsel, duket se ditët e para të jetës do t’i kalojë në kushte jo fort të përshtatshme.

“Mrekullia e jetës! Ndërsa familja Sula ka mbetur e pastrehë si pasojë e tërmetit dhe është strehuar në çadrën e emergjencës në Manëz, pak orë më parë ka lindur Ajsel, vajza e tyre që gëzon shëndet të plotë bashkë me mami Ardjanën”. Ndërkaq një nën tjetër nënë që është larguar nga zonat e prekura nga tërmeti në Shqipëri ka lindur foshnjën Spitalin e Përgjithshëm të Prizrenit.

Lajmin për Gazetën Express e ka konfirmuar Drejtori Ekzekutiv i Spitalit të Përgjithshëm të Prizrenit, Afrim Avdaj. “Po ka lindur foshnja e parë. Foshnja është e gjinisë mashkull dhe nëna është durrësake”, ka thënë ai për Express. “Gjendja e nënës dhe e foshnjës është stabile. Familja ishte e strehuar në kampin inovativ në Prizren”, ka thënë ai

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button