fbpx
Lajme

Tërmeti u dëmtoi shtëpinë, zjarri e shkrumboi plotësisht. Familja në qiell të hapur

Pamundësia e një zgjidhje për jetuar e ka detyruar familjen e Lavdrim Pecës që të jetonte në shtëpinë e pabanuar nga tërmeti. Por fatkeqësitë për të nuk përfundojnë këtu pasi i gjithë mundi i tij u dogj nga një shkëndijë elektrike. Ai akuzon shtetin që nëse do e kishin ndihmuar nuk do të kishte ndodhur kjo ngjarje.

 Tërmeti i 26 nëntorit shkatërroi edhe shtëpinë e Lavdrim Pecës në Kodër Bërxullë. Por pamundësia për të marrë një shtëpi me qira dhe mungesa e ndihmës nga shteti e detyruan atë së bashku me bashkëshorten dhe fëmijët të jetonin në atë ndërtesë edhe pse me rrezik.

Por fatkeqësitë për familjen Peca nuk përfundojnë këtu. Mëngjesin e 16 janarit shtëpia e tyre u përfshi nga flakët duke u shkrumbuar e gjitha dhe duke lënë gjithë familjen me sytë drejt qiellit.

Në momentin e zjarrit, 4 anëtarë të kësaj familje kanë qenë në shtëpi, por fatmirësisht kanë shpëtuar.

Ka qenë djali i cili ka konstatuar tymin që më pas ka zgjuar familjarët e tjerë.

“Djali i dytë ka parë tym e flakë brenda, ka kërkuar të dalë. I fundit kam dalë unë.”

Fatmirësisht, nga ky zjarr, përveç dëmeve materiale, nuk ka pasur persona të lënduar.

Ndërsa shkak i zjarrit mësohet se ka qenë një shkëndijë elektrike . 44- vjeçari tregon se gjithë mundi dhe djersa u dogjën në pak minuta, ndërsa fajëson institucionet shtetërore që nuk i dhanë një zgjidhje që pas tërmetit.

“Asnjë lloj ndihmë nuk kanë dhënë këtu, as çadër, as kontenier, as bonus qiraje. Po të kishte sjellë çadër ose kontenier pas tërmetit mund të mos kishte ndodhur kjo.”

Frika nga tërmeti vijon ta shoqërojë.

“Kam dalë për tërmet, siç isha në gjumë dola.Kur dola jashtë e kuptova se çfarë ndodhi.”

Shtëpia e tij tashmë është shkrumbuar, nuk ka më as çati, as dyer e as dritare, ndërsa 44 vjeçari apelon: “Të më ndihmojë kush të mundet.”

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button