Një ngjarje e rëndë është regjistruar në orët e para të mëngjesit të kësaj të hëne. Policia e Tiranës ka njoftuar se është gjetur pajetë ndihmës anestezisti i një spitali. Ai është identifikuar si M.A. i moshës 46-vjeç ndërsa sipas policisë nuk janë konstatuar shenja dhune, dhe paraprakisht dyshohet se vdekja është natyrale. Policia ka nisur hetimet dhe po punohet për dokumentimin e plotë të ngjarjes.

Njoftimi i policisë: Më datë 21.09.2020, rreth orës 08:35, në hollin e një spitali privat , është gjetur pa shenja jete, ndihmës anestezisti i spitalit, shtetasi M.A., 46 vjeç. Nga kqyrja paraprake nuk konstatohen shenja dhune, ku dyshohet se është vdekje natyrale. Grupi hetimor dhe sherbimet e Policisë ndodhen në vendngjarje dhe po punojnë për zbardhjen e plotë të rrethanave të ngjarjes.