Tre pacientë me Covid-19 kanë ndërruar jetë në orët e fundit në Tiranë, të shtruar në spitalet Covid. Paraprakisht, bëhet me dije se tre pacientët kanë qenë në moshë mjaft të re, nga 35 deri në 45 vjeç. Prej ditësh ata ishin në gjendje të rëndë shëndetësore.
Të tre viktimat janë nga qyteti i Elbasanit. Po një tjetër pacient nga ky qytet ndodhet në spital në gjendje të rëndë shëndetësore. Edhe dy ditë më parë dy pacientë me banim në Elbasan ndërruan jetë në Tiranë.
I pari ishte një 18 vjeçar pa asnjë sëmundje por që mushkëritë i ishin prekur në masën 100% nga virusi, dhe rasti i dytë ishte një grua 32 vjeçe e cila ndërroi jetë sapo lindi fëmijën.