Një person është vrarë me armë zjarri në qytetin e Klinës. Rreth orës 16:40 policia ëshë njoftuar se në një lokal në rrugën “Leonard Palucaj” në Klinë ka pasur të shtëna me armë zjarri. Policia ka dalë menjëherë në vendin e ngjarjes. Nga këto të shtëna një person është plagosur dhe është dërguar për trajtin mjekësor në Qendrën e Mjekësisë Familjare në Klinë.
Policia fillimisht tha se viktima ishte plagosur, por pas dërgimit në spital, ka ndëruar jetë.
Lajmin për vdekjen e të plagosurit e ka konfirmuar drejtori i QKMF-së në Klinë, Gazmend Bojaj.
“I plagosuri është sjellë në QKMF në Klinë, i është dhënë ndihma, edhe unë kam qenë pjesë e ekipit, pastaj rasti është dërguar në Spitalin e Pejës, dhe mandej nga atje është konfirmuar vdekja e tij”, deklaroi tha Bojaj.
Zëdhënësi i Prokurorisë, Shkodran Nikqi, i cili ka theksuar se në koordinim me Policisë e Kosovës po punohet për lokalizmin de arrestimin e personit të dyshuar.
“Një person nga plagët e marra nga arma e zjarrit ka ndërruar jete. Prokurori i krimeve te renda është ne vendin e ngjarjes. Ne koordinim me Policinë e Kosovës po punohet për lokalizimin dhe arrestimin e personit te dyshuar te kësaj vrasje i cili gjendet ne arrati për momentin”, ka thënë Nikqi.
Ndërsa janë publikuar edhe pamjet, në të cilat shihet i dyshuari kryesor, teksa lëviz nëpër qytet me armë në dorë.
