fbpx
Lajme

Topalli: Jam për ndryshim, por nuk jam për riciklim

Ish-nënkryetarja e PD-së dhe kryetarja e “Lëvizjes për Ndryshim”, Jozefina Topalli deklaroi sot se është për ndryshim, por jo për riciklim, duke iu referuar situatës politike para zgjedhjeve.

E ftuar në një studio televizive, Topalli tha se “Lëvizja për Ndryshim ka një objektiv të madh, të vendosë në qendër të politikës vendin dhe interesat e qytetarëve”.

“Unë do bëj atë që kam bërë gjithmonë, kam luftuar kundër korrupsionit dhe krimit kur të tjerët heshtnin. Kam marrë mocion mosbesimi sepse nuk kam hedhur në votim një emër. Kam votuar kundër 2 prokurorëve të Përgjithshëm sepse kam pasur dyshime të thella se nuk do të luftonin korrupsionin. Këto janë qëndrime unike”, tha ajo. “Jam për largimin e Ramës, Metës e Bashës sepse të tre në proporcione të ndryshme janë përgjegjës për historinë dhe zgripin ku ndodhet Shqipëria sot. Qëllimi im është jo që të marr një mandat, nuk kam nevojë për mandate. Unë synoj që të ndihmoj për shkak të përvojës, të angazhoj të rinj e të reja t’i fusim në Parlament. Ata të bëhen vendimmarrës kryesorë e pastaj Jozefina shkon në shtëpi. Për këtë unë po bëj sakrificë, se politika është sakrificë e madhe nëse merr përsipër t’i shërbesh të tjerëve jo familjes tënde”, tha ajo. Topalli tha se në parim është për të bashkëpunuar me të gjithë ata që kërkojnë Shqipëri më të drejtë

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button