Lajme

Tradita në Francë / Qytetarët djegin 874 makina natën e ndërrimit të viteve. Ja arsyeja

Në total 874 makinave u është vënë zjarri gjatë ndërrimit të viteve në Francë. Prej vitesh Franca ndjek traditën e djegies së makinave natën e ndërrimit të viteve. Në total këtë vit janë djegur 874 mjete dhe sipas ministrit të Brendshëm numri është shumë herë më i vogël se sa ishte në 2019.

Për shkak të orës policore nuk pritej që të kishte shqetësime të tilla gjatë festave. Djegia e makinave është bërë një ngjarje e përvitshme në periferitë franceze që prej protestave të 2005 në disa qytete.

Studimet tregojnë se veprime të tilla kryhen më së shumti nga të rinj nga komunitete të varfra dhe djegia e makinave është një formë proteste kundër shtetit, të cilin e fajësojnë për mungesën e mundësive ekonomike.

Rreth 95 mijë punonjës policie dhe 32 mijë zjarrfikës u angazhuan gjatë ndërrimit të viteve. Në Paris, ku vendosja e maskës është bërë sërish e detyrueshme, janë gjobitur 779 persona. Nga 3 janari, grumbullimi në ambiente publike do të jetë i kufizuar deri në 2 mijë persona.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: