Gjykata e Leçes ka marrë vendimin për dënimin me 136 vite burg për 5 shtetas italianë e 13 shqiptarë të arrestuar gjatë operacionit të koduar “Fiori di Primavera” i ekzekutuar në 12 shkurt të 2019 nga Antimafia Italiane.
Vendimi është marrë për 19 nga 27 personat e vënë në urdhër arresti (21 shqiptarë e 6 italianë) që kanë pranuar gjykimin e shkurtuar.
Është lënë i lirë shqiptari Klajdi Malo 24 vjeç si person i jo përfshirë me akuzat e krimit të trafikut ndërkombëtar të drogës nga Shqipëria drejt Italisë e është dënuar në mungesë me 13 vite e 4 muaj heqje lirie si person i shpallur në kërkim shqiptari Dorian Pashaj 34 vjeç.
Shqiptarët e arrestuar gjatë operacionit “Fiori di primavera” kanë marrë këtë dënim; Fatmir Xhelili 13 vite burg; Dorian Alikaj 1 vit burg; Luka Beqiraj 4 vite e gjysëm burg e 24 mijë euro gjobë;
Mehdi Beqiraj 3 vite burg e 10 mijë euro gjobë; Arbinor Hoxhaj 6 vjet e 8 muaj burg; Klaudio Fani 8 vite e gjysmë burg; Altin Avduramani 9 vjet e 4 muaj burg; Kristian Nuredinaj 8 vjet e 8 muaj burg; Raul Zenunaj, i njohur me nofkën Babo o Babushi është dënuar 18 vite burg; Kujtim Elmazi 6 vjet e 8 muaj burg; Bilbil Kabello 6 vjet e 4 muaj burg: 1 vit e 8 muaj burg si dhe 6 mijë euro gjobë për Fridi Murataj nga Vlora, shkruan ora news.
Dënim me burg është marrë dhe për 5 shtetasit italianë: Grianfranco Contestabile me 5 vite burg e 24 mijë euro gjobë; Salvatore Santoro 5 vite burg e 30 mijë euro gjobë; Francesco Tarantini 3 vite e 4 muaj burg e 16 mijë euro cash; Davide Melaca 2 vite burg e 5 mijë euro gjobë; Giancarlo De Simone 10 vite e 8 muaj burg,
Hetimet 2 vjeçare të operacionit “Fiori di Primavera” çuan në shkatërrimin e 4 grupeve kriminale italo-shqiptare me baza operative në Leçe e Brindizi e degëzime në të gjithë territorin italian e kryesisht në rajonet Toscana, Liguria, Lombardia, Emilia Romagna, Siçili e Calabria.
Droga trafikohej me mjete lundrues nga Shqipëria në Itali depozitohej në Salento e më pas transportohej në të gjithë territorin italian.
Përveç drogës trafikohej dhe armë e municione.
Operacioni “Fiori di primavera” u ekzekutua në bashkëpunim me autoritetet policore e gjyqësore shqiptare.
