Categories Lajme

Tregu i mbushur me Euro, Leku forcohet dhe ndaj Dollarit

Ekspertët: Shkaku kryesor është bllokimi i kufijve. Leku ka njohur një forcim të papritur këtë javë, duke çuar në nivelin 101.2 Dollarin amerikan dhe 122.8 Euron. Ky është një nga nivelet më të ulëta që ka regjistruar në treg monedha e përbashkët europiane, duke dhënë sinjale sipas ekspertëve të ekonomisë se tregu është i mbushur me euro.

Artan Gjergji thotë se nisja e ardhjes së flukseve të turistëve ka sjellë Euro në tregun vendas, ndërsa bllokimi i kufijve po jep efekt të kundërt, duke ulur interesin e shqiptarëve për të kërkuar valutën e huaj.

“Kemi dukurinë e ardhjes së turistëve, sidomos në fundjavën e Pashkëve që vlerësohet në 15-20 milionë Euro shpenzime, ndërsa vetë shqiptarët po rrinë brenda dhe nuk ka kërkesë për euro, po ashtu kemi dhe nivel të rritur të remitancave duke mbajtur shumë valutë në treg”.

Ekspertët e ekonomisë thonë se gjithmonë në kursin e këmbimit ndikon dhe faktori i parasë informale, por ajo nuk mund të matet. Dobësimi i Euros për ta ka ardhur në një periudhë kur kompanitë historikisht transferojnë fitime jashtë dhe si rezultat kjo valutë e huaj duhet të forcohet. “Është pak kontradiktore sepse është periudhë që duhet të ketë forcim të Euros për shkak të mbylljes së bilanceve të sipërmarrjeve dhe që bëjnë dërgesa jashtë, por gjithmonë ka efekt edhe informaliteti.”

Ekspertët presin një normalizim të kursit të këmbimit valutor, por Euro mund të qëndrojë e ulët nëse gjatë sezonit turistik udhëtimet jashtë vendit të shqiptarëve do të vazhdojnë të jenë të bllokuara. Aktualisht Euro ka arritur në nivelin më të ulët që prej nisjes së pandemisë duke iu afruar edhe rekordeve historike të vendosura në verë të 2018-s.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Vrau gruan rumune me çekiç, dënohet me 24 vite burg shqiptari në Itali

Avni Meçja, i akuzuar për vrasje të rëndë për vrasjen e partneres së tij Alexandra…

LEXO ME SHUME
Categories Lajme

Elbasan\ Morën peng 68 vjeçarin për t’i grabitur paratë, pranga 47 vjeçares dhe bashkëpunëtorit të saj

Elbasan, Si rezultat i reagimit të menjëhershëm të shërbimeve të Komisariatit të Policisë Elbasan, finalizohet…

LEXO ME SHUME
Categories Lajme

Fier/ U përplas nga “Fouristrada”, ndërron jetë në spital 50-vjeçari

Gjatë mbrëmjes së djeshme (27 mars) një aksident i rëndë ndodhi në vendin e quajtur…

LEXO ME SHUME
Categories Lajme

Vranësira dhe reshje shiu, si do të ndryshojnë temperaturat sot

Ditën e enjte ynë do të vijojë të ndikohet nga kushte të paqëndrueshmë atmosferike, kryesisht…

LEXO ME SHUME
Categories Lajme

U gjet i vdekur nën ashensor, zbardhen detajet për vdekjen e biznesmenit shqiptar

Ende vijojnë të jetë të paqarta rrethanat e vdekjes së biznesmenit shqiptar nga Gjilani, Musah…

LEXO ME SHUME