Lajme

“T’u shkohet deri në fund historive të ulëta”/ Edi Rama reagon për vjedhjen e parave të ish zyrtares së kryeministrisë

Kryeministri Edi Rama ka reaguar për herë të parë për vjedhjen e ndodhur në banesën e ish-zyrtares së tij Alda Klosi, prej ku pastruesja grabiti mijëra euro dhe bizhuteri të shtrentja. Kryeministri tha se koha kur policia apo drejtësia “nuk ia nxirrte lakrat në shesh njerëzve të veshur me kostum” ka ikur.

Rama kërkon që “historive të ulëta me para të pista t’u shkohet deri në fund”, ndërsa thotë se “forca e ligjit të mos ndalojë para askujt”.

Reagimi i Ramës:

Nuk e di kur do ta kuptojnë disa që Reforma në Drejtësi dhe forcimi i institucioneve ligjzbatuese bëhen pikërisht për të pastruar llumin! Prandaj kur del llumi falë punës së këtyre institucioneve, s’duhet harruar se këto janë provat e vullnetit tonë kundër korrupsionit!

E thënë ndryshe, në një kohë tjetër policia apo drejtësia nuk ia nxirrnin kurrë lakrat në shesh njerëzve të veshur me kostum zyrtar, ndërsa sot kohët ndryshojnë përditë për mirë edhe në këtë drejtim! Sepse sot vullneti politik është i plotë dhe mburoja e vjetër politike ka rënë!

Unë uroj vetëm që t’u shkohet sa më shumë deri në fund historive të ulëta me para të pista dhe forca e ligjit të mos ndalojë përpara askujt, kur faktet provojnë se është shkelur ligji për përfitime të paligjshme, nga kushdoqoftë.

“T’u shkohet deri në fund historive të ulëta”/

Reagimi i Ramës në Twitter

Artikuj të ngjashëm

Leave a Reply

Your email address will not be published.

Back to top button
Close