fbpx
Lajme

Turqi, të tjerë trupa gjenden nën rrënoja. Autoritet apel qytetarëve: Mos u ktheni në banesa !

Si pasojë e tëmetit të fuqishëm që goditi Turqinë mesditën e sotme kanë humbur jetën deri tani të paktën gjashtë persona, si dhe 202 të tjerë janë plagosur. Të paktën pesë ndërtesa u shembën dhe katër qytetarë u shpëtuan të gjallë nga rrënojat e një ndërtese të shembur shtatë katëshe në rrethin Bayrakli. “Për fat të keq, katër nga shtetasit tanë humbën jetën gjatë tërmetit”, shkroi në rrjetin social Tëitter, ministri i Shëndetësisë së Turqisë, Fahrettin Koca.

Agjencia e kërkim-shpëtimit i bën thirrje qytetarëve të mos futen nëpër banesat e tyre, ndërsa vijojnë kërkimet nën rrënoja. Organi për Menaxhimin e Fatkeqësive dhe Emergjencave të Turqisë tha se tërmeti i së premtes kishte një magnitudë 6.6 të shkallës të Rihterit.

Qendra Sizmologjike Evropiane-Mesdhetare tha se tërmeti kishte magnitudë prej 6.9 shkallësh me një epiqendër 13 kilometra në verilindje të ishullit grek të Samos. Shërbimi Gjeologjik i Shteteve të Bashkuara njoftoi për një fuqi 7.0 shkallë të Rihterit.

Mediat turke shfaqen pamje të rrënojave të një ndërtese shumëkatëshe në Izmirin qendror, dhe njerëz që ngjiteshin në të për të arritur tek ekipet e shpëtimit. Pamjet tregonin edhe për tym në disa pika në Izmirin qendror. Mediat turke thanë se tërmeti u ndje në të gjithë rajonet e Egjeut dhe Marmaras, ku ndodhet edhe qyteti i Stambollit. Guvernatori i Stambollit tha se nuk ka raporte për dëme.

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button