Vlora News siguron foton e Ylli Luçajt, roja i rrugës së re të fshatit Kuç në Himarë që u vra në një pyll. Zbulojmë se ai ishte baba i dy fëmijëve dhe prej muajsh punonte si roje ndërsa nuk kishte precedent penal. Ai u qëllua me dy plumba teksa si të dyshuar apo persona që mund të kenë dijeni për ngjarjen janë shoqëruar disa nga Policia.
Himarë/ Më datë 31.05.2020, midis fshatrave Kuç dhe Qeparo, Himarë, në një zonë të pyllëzuar, është gjetur i pajetë shtetasi Ylli Luçaj 65 vjeç, banues në fshatin Kuç, i cili punonte si roje në rrugën e re që po ndërtohet në fshatin Kuç, Himarë.
Grupi hetimor i përbërë nga specialistë të Hetimit të Krimit në Komisariatin e Policisë Himarë dhe specialistë të Krimeve të Rënda të Drejtorisë Vendore të Policisë Vlorë nën drejtimin e Prokurorisë së Rrethit Vlorë, po vijon punën për zbardhjen e rrethanave të ngjarjes.