Categories Covid-19, Lajme

U vaksinua shoferi i autoambulancës/ Qendra Kombëtare e Urgjencës Mjekësore sqaron rastin: Janë njësoj të rrezikuar

Qendra Kombëtare e Urgjencës Mjekësore reagoi sot pas lajmit të publikuar në rrjetet sociale për vaksinimin e një shoferi të këtij institucioni.

Duke informuar se të gjithë shoferët e institucionit në periudhë pandemie kanë kaluar në shërbim me autoambulancë për rastet me COVID-19, QKUM ka sqaruar se vaksinimi i shoferëve që janë aq të ekspozuar ndaj virusit të rrezikshëm, në përballje direkte me pacientë me COVID, është domosdoshmëri.

“Pse duhen goditur institucionet ku punohet? Puna e personelit mjekësor dhe mbështetës të QKUM ka një vit që është përqendruar te shërbimi ndaj pacientëve me COVID-19. Dua të sjell në vëmendjen e qytetarëve, se fjala “shofer” e redukton tej mase punën e jashtëzakonshme që këta persona kanë bërë në një vit pandemi. Ata janë dhënës të ndihmës që kanë qenë njësoj të angazhuar si mjekët dhe infermierët e Urgjencës Kombëtare”, thuhet në reagimin e QKUM-së.

QKUM thekson se “të gjithë shoferët e Urgjencës Kombëtare, në këtë periudhë pandemie janë në shërbim me autoambulancat për shkak të emergjencës së situatës”.

“1. Çdo ditë trajtohen dhe asistohen 24/24 orë pacientë me COVID, të cilët merren në banesë dhe dërgohen në spital. 2. Çdo ditë transportohen dhe asistohen të gjithë pacientët që dalin nga spitalet Covid dhe dërgohen në banesë. 3. Çdo ditë transportohen dhe asistohen pacientët kritikë me COVID-19 nga spitalet në aeroport, kur çdo qytetar ka vendosur të kurohet jashtë shtetit.

4. Çdo ditë trajtohen dhe transportohen pacientë kritikë nga banesa në aeroport kur qytetarët kanë vendosur të kurohen jashtë shtetit. 5. Çdo ditë transportojnë dhe asistojnë pacientët që vijnë në aeroport nga shtetet ku janë trajtuar dhe i çojnë drejt spitaleve ose në banesë. 6. Çdo ditë kryhen transferimet midis spitaleve Covid 1, 2, 3, 4 nga ky personel mjekësor dhe mbështetës”, thuhet në njoftim.

Sot ishte radha e institucionit të QKUM-së të bënte vaksinën.

QKUM njofton se, “nga personeli i përbërë nga 26 mjekë, 36 infermierë dhe 18 shoferë. Total 80”.

Nga këta kanë bërë vaksinën sot 12 mjekë, 13 infermierë dhe 10 shoferë. Në total 35 persona.

“Pjesa tjetër e personelit ose është e sëmurë duke kaluar sëmundjen në forma të ndryshme, ose e ka kaluar para pak kohësh dhe nuk mund ta bëjnë vaksinën. Siguroj qytetarët se çdonjëri prej të vaksinuarve nga Urgjenca Kombëtare sot, duhej të vaksinohej. Mbrojtja e jetës së tyre do të thotë mbrojtje e jetës së qindra e mijëra pacientëve.

Është detyrë e shtetit, është detyrim i institucionit që unë drejtoj, të garantojë jetën e këtij personeli të vijës së parë”, thuhet në njoftim. “Vlerësojeni Ju të nderuar qytetarë nëse kemi vepruar gabim duke i vaksinuar!
Kujtoj se një nga shoferat e ambulancave të urgjencës gjatë pandemisë humbi jetën”, përfundon njoftimi.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Euro shënon rritjen më të lartë të vitit, prej muajit gusht. Çfarë pritet në vijim!

Kursi i këmbimit të Euros me Lekun shënoi një rritje të fortë ditën e djeshme.…

LEXO ME SHUME
Categories Lajme

Akuzohen se mësonin djalin të shante në TikTok, Apeli vendos për Kumarakun dhe nënën e tij

Gjykata e Apelit ka lënë në burg Armando Kumarakun dhe nënën e tij, Natasha Rombula,…

LEXO ME SHUME
Categories Lajme

Vrau gruan rumune me çekiç, dënohet me 24 vite burg shqiptari në Itali

Avni Meçja, i akuzuar për vrasje të rëndë për vrasjen e partneres së tij Alexandra…

LEXO ME SHUME
Categories Lajme

Elbasan\ Morën peng 68 vjeçarin për t’i grabitur paratë, pranga 47 vjeçares dhe bashkëpunëtorit të saj

Elbasan, Si rezultat i reagimit të menjëhershëm të shërbimeve të Komisariatit të Policisë Elbasan, finalizohet…

LEXO ME SHUME
Categories Lajme

Fier/ U përplas nga “Fouristrada”, ndërron jetë në spital 50-vjeçari

Gjatë mbrëmjes së djeshme (27 mars) një aksident i rëndë ndodhi në vendin e quajtur…

LEXO ME SHUME