fbpx
Lajme

U vra sot në Elbasan/ ‘Baba i tre vajzave, njeri punëtor’, Bujar Çela nuk fliste me të vëllanë…

Ndërsa kanë kaluar disa orë nga ekzekutimin i taksistit Bujar Çela në Bradashesh të Elbasanit, si shenjë hakmarrje për vëllain e tij të shumëkërkuar pas grabitjes në aeroportin e Rinasit, por edhe për vrasjen e dy vëllezërve Haxhia në Durrës, mësohen të tjera detaje. Ai ishte baba i tre vajzave, i martuar dhe jetonte në këtë zonë. Fqinjët e njohin për njeri të qetë, punëtor dhe që shihte hallet e tij. Ndërsa me të vëllanë, Talo Çela thuhet se nuk kishte marrëdhënie, madje vitet e fundit nuk flisnin, sidomos pas rrugës kriminale të ndjekur prej tij.

“Kam mundur të shkoj në afërsi të banesës së Bujar Çelës, trupi i të ndjerit nuk ka mbërritur ende në shtëpi. Ai është baba i tre vajzave, jetonte në këtë zonë, njihej si njeri shumë i qetë. Dyshohet që është vrarë në shenjë hakmarrje për vëllain, por nuk ka pasur marrëdhënie të mira me të, sidomos vitet e fundit kur drejtimet e tyre në jetë kanë qënë të ndryshme. Bujari ishte taksist, ngrihej herët në mëngjes dhe punonte, ndërsa i vëllai i përqendruar në rrugë kriminale ndaj tij ka 2 urdhër-arreste”,- shkruan gazetarja e Balkanweb.

Për ngjarjen ka të shoqëruar të shumtë në polici, si dhe janë sekuestruar kamerat e sigurisë në lokal dhe në rrugë për të kuptuar lëvizjet e autorëve. Ndërkohë që 1 orë pas vrasjes në lokalin ku u ekzekutua Çela njerëzit vijojnë përditshmërinë e tyre, janë të qetë e pinë kafe, ndërsa gjithçka ndodhi duket se u harrua në pak orë.

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button