Lajme

Ushtari rus i rrëfen nënës torturat ndaj ukrainasve: Përdorëm taktikat “21 trëndafilat”

Një audio shqetësuese është publikuar së fundmi nga mediat e huaja, ku është regjistruar telefonata e një ushtari rus me nënën e tij. Kjo e fundit kishte kënaqësi të madhe dhe qeshte kur dëgjonte torturat dhe v rasjet e civilëve ukrainas.

Kjo telefonatë është përgjuar nga Drejtoria kryesore e Inteligjencës së Ministrisë së Mbrojtjes në Ukrainë. Në të dëgjohet teksa një ushtar i Korpusit të 11 të ushtrisë ruse, Konstantin Solovyov flet me nënën e tij, Tatiana Solovyova. Pas një bisede të shkurtër dhe shakash rreth marrjes së ushqimit nga fshatarët lokalë pranë Kharkivit, Konstantin nis të përshkruajë në detaje një serë metodash të urryera torturuese të përdorura nga anëtarët e shërbimit të sigurisë ruse (FSB).

Disa nga taktikat përfshinin “21 trëndafilat”, zhveshja e lëkurës nga gishtat, këmbët dhe penisit të një burri si petalet e një luleje. Gjithashtu ishte edhe metoda e “fuçisë”, ku një linjë teli me gjemba futet në anusin e një të burgosur nëpërmjet një tubi, përpara se të hiqet ngadalë dhe me kujdes.

Solovyov, njësia e të cilit është e vendosur pranë frontit lindor në Kharkiv, sipas Ministrisë së Mbrojtjes së Ukrainës, shpjegoi gjithashtu se si ai dhe kolegët e tij të FSB-së rrahën për vdekje një plak, për shkak se fotografoi forcat ruse.

Madje i emocionuar, ai tregonte bisedat që bënte me një të burgosur, të cilit ia kishte thyer këmbët për të mos ikur. E kur u pyet nga nëna e tij nëse i pëlqente të merrte pjesë në tortura, ushtari u përgjigj: “Më pëlqen… nuk e di”.

Në mënyrë të pabesueshme, Tatiana u përgjigj në të njëjtën mënyrë: “Nëse do të kisha përfunduar atje, do ta shijoja gjithashtu. Ne jemi njëjtë”.

Por jo vetëm kaq, pasi Solovyov shtoi më pas se nuk ka ndjerë “asnjë grimë keqardhje” për krimet e tij të tmerrshme, duke pretenduar se forcat ukrainase do të bënin të njëjtën gjë në pozicionin e tij.

“Pas më shumë se 20 vrasje, nuk ndjeva asgjë”, është shprehur ushtari, i cili duket se mbështetet nga nëna e tij për krimet e luftës. Ministria e Mbrojtjes e Ukrainës ka publikuar profilet e ushtarit dhe nënës së tij si dhe audion e pa redaktuar. Thuhet se Solovyov është vetëm 20 vjeç, pasi ka lindur në vitin 2002, ndërsa mamaja e tij është 50 vjeç.

Biseda shqetësuese, e publikuar fillimisht nga Ministria e Mbrojtjes e Ukrainës më 3 maj, është një nga disa në të cilat ushtarët rusë kanë pranuar se kanë kryer krime të rënda lufte në tokën ukrainase.

Raportet e përhapura të përdhunimeve, torturave dhe dhunës brutale të kryera mbi civilët fillimisht filluan të vërshojnë jashtë Ukrainës, pasi autoritetet zbuluan tmerret e kryera në qytetet në veri të Kievit si Bucha, Irpin dhe Borodyanka.

Artikuj të ngjashëm

Leave a Reply

Your email address will not be published. Required fields are marked *

Back to top button
Close