Pas konfirmimit të variantit Delta të koronavirusit në Shqipëri, ka reaguar Ministrja e Shëndetësisë, Ogerta Manastirliu. Përmes një postimi në rrjete sociale, ajo thotë se varianti Delta u konfirmua nga laboratori i referencës Charite në Berlin.
Ministrja thotë se duhet bërë izolim i menjëhershëm i rasteve të dyshimta dhe të respektohen masat. Një apel ka dhe për qytetarët duke i kërkuar që të vaksinohen sa më parë.
“Konfirmimi i prezencës së variantit Delta në Shqipëri nga laboratori i referencës Charite në Berlin, kërkon nga të gjithë respektim rigoroz të masave parandaluese, izolim të menjëhershëm në rast dyshimi dhe konfirmimi të virusit #Covid19 dhe mbi të gjitha VAKSINIM • VAKSINIM • VAKSINIM, si arma më e fuqishme për të frenuar përhapjen e virusit dhe për të shpëtuar jetë” – shkruan Manastirliu.