Lajme

Vazhdojmë dhe heshtim… 34-vjeçari humb jetën duke punuar! Policia jep njoftimin një ditë me vonesë

Marku Debrova, 34 vjeç ka humbur jetën ditën e djeshme pasi ka rënë nga lartësia e një pallati ku ishte duke punuar. Ngjarja ka ndodhur në Laç.

Policia vetëm sot ka dalë me njoftim zyrtar mbi aksidentin, i cili dyshohet se ka ndodhur për shkak të mungesës së sigurisë në punë.

Ditën e sotme, policia ka bërë arres.timin e shtetasit Mondi Turhani 56 vjeç, banues në Tiranë, me profesion inxhinier ndërtimi tek firma ku humbi jetën 34-vjeçari.

“Arre.stimi i tij u bë pasi, në objektin të cilin e kishte marrë përsipër firma për punimet e fasadës së jashtme, në qendër të Milotit, duke punuar, ka rënë nga tarraca e objektit dhe ka humbur jetën, i punësuari, shtetasi Marku Debrova 34 vjeç, banues në Elbasan”, thuhet në njoftimin e bluve. Policia ka nisur hetimet në lidhje me ngjarjen.

Materialet procedurale iu referuan Prokurorisë së Rrethit Gjyqësor Kurbin për veprime të mëtejshme për veprën penale ” Shkelja e rregullave të mbrojtjes në punë”.

Brenda këtij viti ky mund të jetë rasti gjashtë ose më shumtë që qytetarët shqiptarë humbin jetën në pallatet që po ndërtohen, në të cilat mungojnë kushtet normale të punës.

Artikuj të ngjashëm

Leave a Reply

Your email address will not be published. Required fields are marked *

Back to top button
Close