Presidenti Ilir Meta ka reaguar në lidhje me vdekjen e 18 vjeçarit Anri Kashiku, i cili humbi jetën në mënyrë tragjike mesditën e kësaj të enjte.
Përmes një postimi në “Facebook”, kreu i shtetit i shpreh ngushëllime familjarëve, teksa shkruan se ai është simbol i vetëmohimit dhe vlerave më të larta humane
“ANRI KASHIKU, HEROI YNË!
Mirënjohje dhe respektin më të thellë për këtë njeri të jashtëzakonshëm që me sakrificën e tij sublime shpëtoi sot dy jetë për t’u përjetësuar në memorien tonë si simbol i vetëmohimit, i dashurisë për jetën dhe vlerave më të larta humane.
Ngushëllimet më të ndjera familjes!”, shkruan Meta.
Kujtojmë se ngjarja e rëndë ndodhi ditën e sotme ku 18 vjeçaro, Anri Kashiku, u fut në det për të shpëtuar vëllai e tij të mitur dhe shokun e të vëllait pasi po mbyteshin. I riu arriti të shpëtonte dy të miturit, mirëpo fatkeqësisht nuk mundi të dilte vetë në breg