Lajme

Veliaj jep lajmin e mirë: Shtohet një tjetër linjë e re e fluturimeve direkte me Tiranën

Pas shpalljes së Tiranës si Kryeqyteti Europian i Rinisë vjen një tjetër lajm i mirë për qytetin.

Kompania më e madhe polake e fluturimeve ajrore LOT Airlines Polish (Star Alliance) ka njoftuar se nga qershori i vitit të ardhshëm do të kryejë fluturime direkte nga Varshava drejt Tiranës dhe anasjelltas.

Lajmi është bërë i ditur nga kryebashkiaku, Erion Veliaj.

“Lajm fanstatik. LOT Polish Airlines (StarAlliance) ka njoftuar hapjen e një linje të re Varshavë-Tiranë që prej verës 2020, teksa Tirana mbush 100 vjet si kryeqyteti i Shqipërisë! Tirana 100”, tha Veliaj.

Katër vitet e fundit, numri i turistëve të cilët vizitojnë kryeqytetin ka ardhur gjithnjë në rritje.

Transformimi me ritme të shpejta, si sheshi “Skënderbej”, Pazari i Ri, Kalaja e Tiranës, Bulevardi i ri dhe përmirësimi i infrastrukturës edhe në fshatrat rreth Tiranës, ka bërë që mijëra turistë jo vetëm nga Europa, të vendosin në hartën e tyre të udhëtimeve edhe kryeqytetin shqiptar si një prej destinacioneve që nuk duhet humbur.

Artikuj të ngjashëm

Leave a Reply

Your email address will not be published.

Back to top button
Close