I gjithë populli shqiptar i është bashkuar dhimbjes së humbjes së jetëve dhe të të plagosurve nga tërmeti në Turqi.Kryetari i bashkisë së Tiranës, Erion Veliaj ka shprehur solidaritetin me popullin turk dhe ngushëllimet për viktimat që shkaktoi tërmeti i fuqishëm i një dite më parë. “E gjithë Tirana bashkohet me dhimbjen për humbjen e jetëve dhe të plagosurve nga tërmeti në Turqi!
Sapo lamë pas një tragjedi të ngjashme në vendin tonë në nëntor të 2019-ës, lutemi për popullin e Turqisë! Qëndroni të fortë!”, -thotë Veliaj. Ministri i Brendshëm turk, Soylu deklaroi se si pasojë e tërmetit kanë humbur jetën 22 persona, prej të cilëve 18 në Elazıg dhe katër në rajonin Doganyol në Malatya.