Shumë vajza dhe gra kanë qenë viktima të sulmeve seksuale dhe një ndër rastet më të fundit që tronditi opinionin publik ishte ai i 11 vjeçares nga Kosova që u përdhunua nga pesë të rinj. Fatkeqësisht, në rrjetet sociale ka shumë komentues që justifikojnë ende agresorët dhe kriminelët që kryejnë këto krime, ndaj një gazetare e emisionit “Piranjat”, ka vendosur të demaskojë njërin prej tyre.
Bëhet fjalë për një person që deklaronte në rrjetet sociale, se përdhunimi “është i shëndetshëm”.
Gazetarja ka arritur ta gjejë këtë person dhe ta përballë me komentin e neveritshëm që ka shkruar, por siç duket edhe nga video, ai ka bërë përpjekje për të fshehur fytyrën dhe për tu laguar.
Me sa duket justifikuesit e përdhunimeve, nuk janë aq “trima” sa duken, kur shkruajnë dhe fshihen pas tastierës.
Në Shqipëri, komentet seksiste, raciste, homofobike dhe që nxisin dhunë, janë mjaft të shpeshta dhe popullojnë gjerësisht rrjetet sociale.
*Emisioni i plotë do të transmetohet sot në orën 21:00 në Abc dhe në T7 në Kosovë.