Sky News ka publikuar pamjet që tregojnë Ali Harbi Ali duke ecur përgjatë një rruge në veri të Londrës disa orë para vrasjes së deputetit konservator Sir David Amess. 25-vjeçari, i cili është arrestuar nën dyshimin për vrasjen e Sir David Amess, shihet duke ecur ngadalë përgjatë trotuarit të premten në mëngjes.
Me një çantë shpine në shpatullën e djathtë, ai shihet i veshur me një xhaketë të gjelbër dhe syze, me dorën në xhepin e majtë.
Pamjet janë filmuar nga jashtë një dyqani në Highgate Road në orën 8.44 të mëngjesit. Aliu, i cili jetonte pak më larg mendohet se ishte duke ecur në stacionin hekurudhor Gospel Oak në atë kohë.
Policia po heton lëvizjet e Aliut në orët para s ulmit dhe po heton nëse ai ka hipur në një tren në stacionin Gospel Oak për të udhëtuar në Leigh-on-Sea, Essex. Deputeti Konservator u godit me thikë për vdekje të premten ndërsa po bënte një takim elektoral në Kishën Metodiste Belfairs. 69-vjeçari ishte takuar me votuesit kur ndodhi sulmi.