Mbrëmjen e sotme furtuna ka përfshirë qytetin e Vlores. Shtrëngatat e shiut dhe era e fortë kanë krijuar vështirësi të mëdha në qarkullimin e automjeteve, duke kufizuar pamjen për shoferët.

Nga reshjet niveli i ujit në rrugë është rritur duke dalë mbi trotuare. Në pothuajse të gjithë kryqëzimet e qytetit janë krijuar radhë trafiku për shkak të kufizimit të lëvizjes.

Ndërkohë përkeqësimi i motit dhe deti me dallgë kanë sjellë pezullimin e lundrimit detar në Vlorë. Mësohet se për shkak të këtyre kushteve të motit, lundrimi do të jetë i pezulluar deri në datën 30 nëntor. Reshjet e shiut shfaqin problemet e para në rrugët e Vlorës.

Burime për Vlora News, bëjnë me dije se rrugët kryesore të Vlorës janë përmbytur. Problematike si gjithmonë janë akset që lidhin bulevardin ‘Ismail Qemali’ me rrugën ‘Transballkanike’. Më problematike prej tyre zona e ‘Albano’ dhe ‘Romina’ në zonën te Universiteti etj. Ndërkohë shiu vijon me intensitet të lartë.