Dy automjete janë djegur këtë mbrëmje në Vlorë. Mësohet se ngjarja ka ndodhur në lagjen Karabash të qytetit të Vlorës. Mjetet, njëri tip “Benz” me targa AA 051 AU dhe tjetri furgon me targa greke, kanë qenë të parkuara në anë të rrugës, kur persona ende të paidentifikuar u janë afruar, i kanë lagur me benzinë dhe u kanë vënë zjarrin. Ende nuk dihet se në pronësi të kujt janë mjetet në fjalë dhe shkaqet e kësaj zjarrvënieje të qëllimshme.
Më datë 07.04.2022, rreth orës 22:05, në lagjen “15 Tetori”, Vlorë, ka marrë flakë automjeti tip “Mercedes Benz”, në pronësi të shtetasit V. Ç., i cili ka qenë i parkuar. Në afërsi të mjetit tip “Mercedes”, po digjet dhe automjet tip “furgon”, në pronësi të shtetasit V. K., 57 vjeç. Grupi hetimor ndodhet në vendngjarje dhe po punon për përcaktimin e shkaqeve të rënies së zjarrit.