Pak me pare digjet një skaf në ujërat e Detit Jon në Vlorë, ndërsa paraprakisht dyshohet se shkak është bërë një shkëndijë elektrike. Burime bëjnë me dije se në mjetin motorik detar po udhëtonin disa turistë, të cilët kanë vënë re tym në mjet, dhe i janë afruar bregut, ku vijojnë përpjekjet për shuarjen e flakëve. Skafi ka qenë në det në afërsi të Triportit, kur turistët kanë parë flakët. Ata kanë njoftuar zjarrfikësen e cila i ka pritur në breg të detit. Fatmirësisht nuk raportohet për persona të lënduar përveç dëmeve materiale.