Lajme

Video/ Transformimi i Roskovecit me parametra urbanë bashkëkohorë, Bufi: Së shpejti edhe qendra “one stop shop”

“Rilindja Urbane” po transformon krejtësisht hapësirën publike të Roskovecit. Projekti për këtë transformim arrin deri në sheshet e lagjeve dhe hapësirave pranë banesave, ku punimet kanë nisur që nga sistemi i kanalizimeve dhe ndriçimit, e deri te suvatimi dhe lyerja e fasadave të shtëpive.

Gjatë një interviste për ERTV, kryetarja e bashkisë Roskovec Majlinda Bufi ka treguar detajet e këtij projekti ku shprehet se,”një sipërfaqe e gjitha prej 3.5 hektarësh do të kalojë e gjitha në rikualifikim, jo vetëm sa i takon sheshit, por edhe infrastrukturën nëntokësore të këtij sheshi që ka të bëjë me furnizimin me ujë të pijshëm, me kanalizimet e ujërave të zeza, gjithë furnizimin me energji, deri te ndriçimi i hapësirës urbane. Gjithë fasadat brenda ambientit do kalojnë procesin e suvatimit, lyerjes me bojëra dhe hapësirave rekreative për qytetarët”.

Bufi theksoi se, “ky projekt ka një rëndësi të veçantë edhe për ndërtimin e godinës së re të bashkisë Roskovec, një godinë ku qytetarët do të kenë mundësinë që të marrin shërbimet në mënyrë të shpejtë dhe cilësore, përmes one stop sop-it që do të ndërtohet aty. Në maj të vitit që vjen ky projekt do të ketë përfunduar me të gjitha objektet që ka”.

“Gjysma e katit përdhe në godinën e re të bashkisë i është dedikuar “one stop shop” dhe në bashkëpunimin që kemi ne me ADISA kemi marr një planimetri të sistemimit të të gjitha tavolinave ku qytetarët do të kenë akses dhe do të kenë mundësi të marrin shërbimet ku të do paraqesin ankesat e tyre dhe do marrin përgjigje për to”, u shpreh Bufi.

Edhe shkolla e mesme e qytetit të Roskovecit i është nënshtruar rikonstruksionit total, ku është ndërtuar çatia e re që nuk ka ekzistuar më parë, e cila ka eliminuar të gjitha rrjedhjet dhe pikimet që vinin nga soleta ekzistuese.

“Është bërë nga e para rrjeti i ndriçimit të shkollës dhe ngrohjes me një sistem qendror. Janë vendosur hapësirat dhe mjetet e nevojshme për laboratorët mësimore. Ndërkohë që punimet vazhdojnë për ndërtimin e palestrës së shkollës nga e para. Për të monitoruar mirëmbajtjen e këtij investimi dhe për të ofruar sigurinë në shkolla, kemi bërë një investim për kamerat e sigurisë”, përfundoi Bufi.

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button