Studentë të Universitetit Ismail Qemali Vlorë,janë organizuar sërish prej paradites së të mërkurës,në protestë,e cila ka nisur përpara rektoratit të universitetit.

Protestuesit i kanë kërkuar edhe studentëve të tjerë,të bojktojnë mësimin dhe ti bashkohen protestës.

“Nuk ka dialog,dialogu ynë është në shesh. Jemi kërcënuar,por ne nuk kemi frikë. Bashkohuni me ne,jo politikë.”

Studentët kanë qëndruar me fletë të bardha në duar,ndërsa kanë ripërsëritur për plotësim të kërkesave të tyre. Aktualisht nuk ka protestues ,që i drejtohen Tiranës,por duke zgjedhur që protestën ta zhvillojnë përpara universitetit ku edhe studiojnë.