Vjosa tashmë ka dalë nga shtrati në Novoselë, ku prurjet e kanë rritur nivelin më 4 m gjatë orëve të fundit. Aktualisht niveli i lumit është në 6.6 m, ndërsa prurjet vijojnë ndërsa nuk favorizohet shkarkimi i Vjosës në det për shkak të drejtimit të erës më drejtim jug-perëndim.
Aktualisht situata favorizohet vetëm për shkak të ndërprerjes së rreshjeve në Përmet- Gjirokastër dhe Janinë por pritet të rinisin në mbrëmje.
Prefekti i Qarkut të Vlorës, Flamur Mamaja sqaroi se shtabi i emergjencave ka nisur njoftimet për evakuimin e banorëve dhe bagëtisë për 15-20 banesa brenda shtratit të lumit.
Situata prezantohet normale në Bistricë, ndërsa janë marrë masa edhe për kalimin vetëm në njërën korsi në aksin Vlorë- Sarandë, ku në Borxh erozioni ka sjellë dëmtimin e segmentit të ri rrugor.
Kreu Nj.A Novoselë tha gjithashtu se do të kishte nisur ndërtimi agjinaturës së re të Mifolit, fondi është siguruar por puna ende nuk ka nisur. Në Novoselë parashikohet që prirjet të rriten gjatë mbrëmjes, dukë lënë permanent rrezikun për përmbytje.