Categories Lajme

Vlonjatët i hoqën Ramës 6,700 vota, por kush e bëri të mundur fitimin e mandatit të 8-të

Qarku i Vlorës shënoi një rekord tjetër mospjesëmarrjeje në zgjedhjet e 25 prillit, ku vetëm 33% e qytetarëve me të drejtë vote u paraqitën në kutitë e votimit. Rënia e LSI i shpëtoi socialistëve mandatin e tetë, të mbrojtur nga vetë kryeministri Edi Rama.

Partia Socialiste fitoi më pak vota se sa katër vjet më parë në Qarkun e Vlorës, ndërsa Partia Demokratike në opozitë arriti një nga rezultatet e veta më të mira, në qarkun tradicionalisht bastion socialist. Megjithatë, PS arriti të ruajë mandatin e tetë të vetin për shkak të rënies së LSI, e cila nuk arriti të fitojë deputet.

Në Vlorë, dy partitë e vogla që garuan në spektrin e djathtë, Bindja Demokratike dhe Lëvizja për Ndryshim morën së bashku rreth 2,600 vota, jo mjaftueshëm për të nxjerrë deputet, por mjaftueshëm për të hequr një deputet nga radhët e opozitës. Deputeti i fundit në qark u nda ne 7400 vota dhe u mor nga socialistët. Lëvizja për Ndryshim e ish-nënkryetares së PD-së Jozefina Topalli garoi në Vlorë me ish-deputetin e PDIU, Dashamir Tahiri ndërsa Bindja Demokratike garoi me ish-deputetin demokrat Ardian Kollozi.

Socialistët fituan 59 mijë vota, nga gati 66 mijë që kishin fituar më 2017 ndërsa demokratët fituan 32 mijë vota nga 23 mijë që kishin fitur katër vjet më parë. Lëvizja Socialiste për Integrim fitoi 6,200 vota, 6 mijë më pak se sa në 2017 dhe rreth 1,200 vota më pak nga sa i nevojiteshin për të fituar mandat.

Kryeministri Edi Rama ishte kandidati më i votuar në Vlorë sa i përket votave pëlqyese me 11 mijë vota, ndërsa Ministrja e Financave, Anila Denaj u pozicionua e dyta duke marrë 6400 vota pëlqyese. Denaj mposhti edhe Damian Gjiknurin, i cili ishte përgjegjësi për fushatën e PS në qark.

Nga demokratët, Bujar Leskaj ishte më i votuari me 5200 vota, pasuar nga Fation Veizaj me 3,500 vota dhe Ina Zhupa gjithashtu 3,500 vota.

Drejtori i minierës së bitumit të Selenicës, Gëzim Ademaj arriti të marrë gati 3,300 vota, më shumë se dy herë në krahasim me deputetin e katërt të PD-së, Arbi Agalliu. Pavarësisht kësaj, Ademaj nuk do të jetë deputet. Përveç Ademajt, edhe tre kandidatë të tjerë demokratë kanë marrë më shumë vota se sa Agalliu. Rreth 80% e votuesve të PD-së dhe 83% të PS-së hodhën votë pëlqyese për kandidatët për deputet, përveçse për partinë në këtë qark.

Rezultati final i zgjedhjeve i dha PS-së 8 mandate dhe PD-së 4 mandate, pothuajse i pandryshuar në krahasim me 2017 kur PD dhe LSI patën marrë sëbashku 4 mandate. Rezultati më i ngushtë mes palëve është shënuar në vitin 2009 kur PS dhe PBDNJ, në atë kohë në aleancë me PS, morën sëbashku shtatë mandate ndërsa PD dhe PDIU morën pesë mandate.

Vlora është edhe qarku me pjesëmarrjen absolutisht më të ulët në zgjedhje, pjesëmarrje që ra akoma më poshtë më 25 prill. Nga 318 mijë zgjedhës në listën e votuesve, vetëm 106 mijë u paraqitën në kutitë e votimit ndërsa nga këto, 4700 rezultuan vota të pavlefshme. Pjesëmarrja në Vlorë ra nga 36% në 33%. Gjatë katër viteve të fundit, numri i shtetasve me të drejtë vote është rritur me 10 mijë në qark dhe pavarësisht kësaj, në kutitë e votimit u paraqitën 4 mijë votues më pak se sa më 2017. Tre nga dymbëdhjetë deputetët e Vlorës, dy nga PS dhe një nga PD janë gra, ose 23%./BIRN

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Euro shënon rritjen më të lartë të vitit, prej muajit gusht. Çfarë pritet në vijim!

Kursi i këmbimit të Euros me Lekun shënoi një rritje të fortë ditën e djeshme.…

LEXO ME SHUME
Categories Lajme

Akuzohen se mësonin djalin të shante në TikTok, Apeli vendos për Kumarakun dhe nënën e tij

Gjykata e Apelit ka lënë në burg Armando Kumarakun dhe nënën e tij, Natasha Rombula,…

LEXO ME SHUME
Categories Lajme

Vrau gruan rumune me çekiç, dënohet me 24 vite burg shqiptari në Itali

Avni Meçja, i akuzuar për vrasje të rëndë për vrasjen e partneres së tij Alexandra…

LEXO ME SHUME
Categories Lajme

Elbasan\ Morën peng 68 vjeçarin për t’i grabitur paratë, pranga 47 vjeçares dhe bashkëpunëtorit të saj

Elbasan, Si rezultat i reagimit të menjëhershëm të shërbimeve të Komisariatit të Policisë Elbasan, finalizohet…

LEXO ME SHUME
Categories Lajme

Fier/ U përplas nga “Fouristrada”, ndërron jetë në spital 50-vjeçari

Gjatë mbrëmjes së djeshme (27 mars) një aksident i rëndë ndodhi në vendin e quajtur…

LEXO ME SHUME