Plazhi është i lejuar vetëm pranë hoteleve. Por në Vlorë, qytetarët po e sfidojnë masivisht këtë rregull duke dalë në plazh në hapësirat publike, ndërkohë që hotelet mbeten ende bosh. Prej 1 qershorit, plazhi lejohet vetëm pranë hoteleve! Por në Vlorë, ky rregull po sfidohet masivisht! Plazhet publike ishin mbushur me pushues, ndërsa ato të hoteleve ende mbeten bosh. Plazhi thonë është dashuri e madhe për vlonjatët, pavarësisht rregullave në fuqi. ”Ka 10 ditë që po bëj plazh tamam. Sot po lahem. Kam ardhur po kam ndenjur kam marrë ndonjë rreze.” Turizmi është sektor jetik për Vlorën, por pandemia i ka dhënë goditje të fortë. Megjihëatë ka optimizëm se turistët që i japin jetë dhe zhvillim ekonomik qytetit do të vijjnë edhe këtë verë. ”Jam nga Fieri. Jemi pensionistë me burrin dhe kemi ardhur të kalojmë disa ditë pushime. Optimist jam, po megjithatë deri tani është dobët. Gjynah mos të vijnë turistët, Vlora është mbret.” Bashkia e Vlorës ndërkohë thotë se po merr masa për një sezon turistik sa më të suksesshëm në kushtet e reja që krijoi pandemia.