Një aksident është shënuar mbrëmjen e sotme në qytetin bregdetar të Vlorës ku një makinë ka dalë nga rruga duke përfunduar në plazh.

Mësohet se drejtuesi i mjetit emri i të cilit nuk bëhet i ditur, ka mbetur i plagosur ndërsa paraprakisht raportohet se ka humbur kontrollin për shkak të shpejtësisë së lartë duke përfunduar në zonën e plazhit.

Policia dhe ambulance kanë mbërritur në vendin e ngjarjes dhe me këtë të fundit është transportuar për ndihmë mjekësore në Spital. Grupi hetimor po punon për zbardhjen e shkaqeve dhe rrethanave të ngjarjes.