Ka qenë një konflikt banal mes dy të rinjve, ai që shkaktuar përplasjen e djeshme. I cili është agravuar nga sharje dhe fyerje, në kanosje një ditë më vonë. Autori i ngjarjes është vetdorëzuar, mbremjen e djeshme rreth ores 22.30 të mbrëmjes. Ndaj M. R rëndon akuza e kanosjes. I riu ka pranuar konfliktin e ditës së djeshme mes tij dhe Enio Gresa ( Shyti). I Dyshuari si autori i të shtënave me armë në ujin e ftohtë ka theksuar para bluve të Vlorës se ka kaluar pranë vendit të ngjarjes, pasi ka parë Enio që ka parkuar aty.
“Nuk kisha shkuar ta kërkoja, e pash dhe ndalova. Doja të sqaroja me të një bisedë. Kisha në makinë një pistoletë manovër që e mora me vete. Nuk kam pasur asnjë motiv ta qëlloja. Ka qënë për ta trembur.” I frikësuar nga të shtënat, Gresa ka njoftuar policinë dhe bashkëshorten. Ai është larguar nga vendngjarjes pasi ka deklaruar se është frikësuar ndërsa policia dyshon se ai ka qënë i armatosur dhe është larguar për të fshehur armën. Ngjarja ndodhi paraditen e së premtes në lagjen “10 Korriku” në qytetin bregdetar.