fbpx
LajmeTurizëm

Vlorë, plazh në Sazan e Karaburun, destinacione të preferuara për turistët (Video)

Ishulli i Sazanit dhe Gadishulli i Karaburunit mbeten mes atraksioneve për një ditë ndryshe pushimesh në brigjet e Vlorës!  Kamera në Vlorë ndoqi një grup turistësh në këtë aventurë me anije! Gadishulli i Karaburunit dhe ishulli i Sazanit mbeten dy atraksione për një ditë pushimi ndryshe në Vlorë. Në shërbim të turistëve operojnë 14 anije që nisen nga Vlora dhe dy të tjera nga Himara, sikurse dhe gomone e skafe të licencuara për qëllime turistike!

Udhëtimi kombinohet me argëtimin që në ndonjë herë-herë duket se i shkel edhe protokollet kundër koronavirusit. Masat neglizhohen edhe në plazhet e zonave të mbrojtura! Veç detit e ajrit të pastër, mund të eksplorosh ndërthurjen unike mes natyrës dhe historisë. “Më pëlqen Sazani për ndërthurjen e historisë me turizmin. Ndërsa gadishulli i Karaburunit ka bukuritë e veta, deti është shumë i pastër.” Turistët vendas e të huaj thonë se është një tur që ja vlen të përsëritet sa here të mundesh

“Them se do ta bëjmë përsëri këtë udhëtim.” Por për operatorët, sezoni turistik nuk është ai që prisnin. “Me zor po marrin frymë, jo të heqim shpenzimet.” Gjatë udhëtimit vizitohet Sazani, Karaburuni, Shpella Haxhi Alisë dhe atraksione të tjera. Çmimet variojnë nga 1500 lekë të reja në 2000 lekë të reja për një person.

Trego më shumë

Artikuj të ngjashëm

Leave a Reply

Your email address will not be published. Required fields are marked *

Back to top button