Vlorë/Vihen në pranga 2 shtetas dhe procedohen në gjendje të lirë 2 të tjerë, për vepra të ndryshme penale. Specialistët për Hetimin e Krimeve të Komisariatit të Policisë Vlorë arrestuan në flagrancë, për veprën penale “Dhuna në familje”, shtetasit: -Xh. K., 31 vjeç, banues në Vlorë, pasi ka goditur me sende të forta, për motive të dobëta, bashkëshorten e tij; -G. R., 60 vjeç, banues në Vlorë, pasi ka ushtruar dhunë fizike ndaj bashkëshortes së tij. Po nga nga specialistët për Hetimin e Krimeve në Komisariatin e Policisë Vlorë u referuan materialet në Prokurori dhe nisi procedimi penal për shtetasin G. K., 20 vjeç, pasi dyshohet se ditën e djeshme, ka dëmtuar me sende të forta, për motive të dobëta, automjetin e shtetasit Xh. A.

Nga specialistët për Hetimin e Narkotikëve në DVP Vlorë u referuan materialet në Prokurori dhe nisi procedimi penal për shtetasin E. Sh., 34 vjeç, banues në Lushnjë, pasi gjatë kontrollit fizik, në Himarë, shërbimet e Policisë i gjetën dhe i sekuestruan një sasi lënde të dyshuar narkotike kanabis. Materialet i kaluan Prokurorisë, për veprime të mëtejshme.