Një 28-vjeçar shqiptar, banues në San Saverino Marche, është arrestuar për grabitje pasditen e djeshme.

Shqiptari akuzohet për grabitjen me dhunë të një supermarketi.

Alarmi u dha rreth orës 16:30 dhe patrulla ndërhyri menjëherë në qendrën tregtare “Cuore Adriatico”.

Sipas mediave italiane, shqiptari u ndalua nga punonjësi i kasës.

Ai pak momente më parë kishte marë nga raftet disa produkte si kufje për celularë, brisqe rroje të cilave u kishte hequr etiketën dhe disa ushqime, të cilat i kishte futur brenda një çante.

Shqiptari kishte edhe probleme me dokumentat dhe për këtë arsye u shoqërua në komisariat për verifikim. Më pas ai u la në arrest shtëpiak, në pritje të seancës së radhës në Gjykatën e Maceratas.