Kryetari i Lëvizjes Vetëvendosja dhe kryeministri i Kosovës, Albin Kurti pasi ka hedhur votën e tij për zgjedhjet në Shqipëri, ka dhënë një prononcim të shkurtër për mediat.
Teksa ka shprehur vullnetin e tij si qytetar shqiptar, ai ka deklaruar se ditë më të bukura e presin Shqipërinë. “Moti është i mirë , kështu do të jetë deri në mbrëmje.
Uroj sa më shumë ditë të bukura dhe mbarësi për Shqipërinë dhe secilin njeri që ashtu sikurse unë e ka pasaportën e Shqipërisë. Faleminderit dhe suksese”, tha Albin Kurti. Albin Kurti votoi në Tiranë dhe ka shprehur mbështetjen e tij për kandidatin e pavarur Bojken Abazi.