Lajme

Vrasja e 42-vjeçarit shqiptar në Gjermani, ishte dëshmitar në hetimin e një tregtari droge

Detaje të reja kanë dalë nga vrasja e 42-vjeçarit shqiptar në Gjermani. Mësohet se ndaj tij është qëlluar 4 herë ndërsa një prej plumbave e ka kapur në kokë dhe i ka shkaktuar vdekjen.

Shqiptari nuk ishte një emër i panjohur për autoritetet gjermane, pasi dyshohej për trafik droge dhe vjedhje. Viktima jetonte në Gjermani që nga viti 2018.

Viktima sipas kryeprokurorit ishte i varur nga droga dhe nuk kishte një vend banim të përhershëm.

Kryeprokurori publik Axel Stahl shtoi: “Sipas gjendjes aktuale të hetimit, mund të përjashtohet se njeriu ka qenë një viktimë e rastësishme. Megjithatë, motivi i veprës së përgjakshme është ende i paqartë. Ne po hetojmë në të gjitha drejtimet.”

Siç mësoi BILD, dy autorët me sa duket kanë ardhur në Garnstraße në Krefeld me një Peugeot blu të vjedhur (targa WES). Aty mesa duket kanë parkuar makinën dhe kanë pritur shqiptarin.

Kur burri erdhi me biçikletë, autorët e dyshuar dolën jashtë. Njëri ishte me trup mesatar, kishte veshur një xhaketë të errët, pantallona ngjyrë të çelur dhe kapelë ngjyrë të çelur. I dyti ishte gjithashtu me gjatësi normale, kishte veshur një xhaketë të errët me logo në shpinë, pantallona të errëta dhe një kapele të errët.

Të dy shkuan rreth 30 metra drejt shqiptarit, më pas me siguri janë qëlluar katër plumba, dy mësohet se kanë qenë fatale. Sipas policisë, të nesërmen e krimit u gjetën vrima plumbash në një fasadë shtëpie në kutinë postare dhe në një sistem telefoni celular.

Hetuesit po ndjekin një qasje në tregtinë e drogës. Një gjyq për një tregtar droge që po vazhdon aktualisht në Krefeld, ndoshta nuk ka asnjë lidhje me rastin e së hënës në mbrëmje, edhe pse viktima ishte dëshmitar në hetim, shqiptari nuk duhej të paraqitej më në gjykatë për shkak se dëshmia e tij nuk ishte më e nevojshme.

Artikuj të ngjashëm

Leave a Reply

Your email address will not be published.

Back to top button
Close