Janë publikuar pamjet e atentatit të djeshëm në Shkodër ku mbeti i vrarë Nazmi Bandula. Në pamjet e mëposhtme të siguruara nga “BW” mund të shihet momenti kur në lagjen ‘Partizani’ në Shkodër, autorët me një “Benz” gri me xhama të zinj kalojnë para lokalit ku 55-vjeçari po pinte kafen, ndalen për pak dhe zbrazin kallashnikovin ndaj tij.
Ngjarja e rëndë ka ndodhur në mëngjes dhe në pamje mund të shihet se në rrugë ka patur edhe makina e njerëz të tjerë. Pasi qëllojnë me breshëri plumbash ndaj shënjestrës së tyre autorët largohen me shpejtësi nga vendi i ngjarjes ndërsa njerëzit mbeten të frikësuar pas makinave.
Ka dyshime se autorët janë vrasës me pagesë pasi janë siguruar që në vendin e ngjarjes të mos lënë asnjë gjurmë në vendngjarje.